Aspekte socio-kulturore në prozën e Martin Camajt. Një analizë në kuardrin e semantikës interpretative (Albanische Forschungen 24).

Kthesat politike dhe sociale të viteve 90 në Shqipëri dhe Kosovë sollën me vete dhe ndryshimin e konteksteve letrare e kulturore në tërë hapësirën shqipfolëse. Pikërisht këto të fundit bënë të mundur që autorë dikur të ndaluar, mes të cilëve edhe autori në eksil Martin Camaj, të gjejnë vend në skenën e letrave shqipe. Trajtimi i krijimtarisë letrare të Camajt, veçanërisht i prozës së tij fokuson si tematikë themelore botën e malësorit, gjë e cila gjen shprehje në të qenit malësor. Analiza e tërë materialit gjuhësor bazohet në një sistem binar të dyfishtë, i cili ravijëzohet në makrokozmosin e botës shqiptare dhe në mikrokozmosin e botës malësore. Ky sistem shërben si ngrehinë për analizën semantike, e cila shtjellohet përmes izotopive „natyrore“, „ekonomike“, „historike“ dhe „kulturore“. Kjo lloj analize mundëson ngërthimin e aspektit socio-kulturor dhe dëshmon që koncepti mal tek Camaj është një fjalë çelës, e cila në prozën e tij është përvijuar në mënyrë plastike, komplekse e në lëvizje, brenda mjedisit social e ekonomik, në një kuadër historik dhe me specifikën kulturore përkatëse. Në mënyrë të përmbledhur koncepti i mësipërm është një copëz vendlindje e marrë me vete në eksil.

Botimi i recensionit bëhet me miratimin e Shtëpisë Botuese Harassowitz, Wiesbaden

Autor i recensionit: M. Schmidt-Neke