Jonida Xhyra-Entorf: Përkthimi me shkrim

Ju kërkoni një përkthyese profesioniste dhe kompetente për dokumentet tuaja?

Profesioni i përkthyesit me shkrim, duke përfshirë këtu jo vetëm vërtetimin zyrtar, por edhe dokumentin në stil të gjerë, nuk është i mbrojtur ligjërisht dhe jo rrallë ndeshim përkthime me cilësi të dobët, që nuk ofrojnë regjistrin dhe ligjërimin e përshtatshëm gjuhësor, përkthime që thjesht nuk tingëllojnë natyrshëm në gjuhën përkatëse.

Përkthimi me shkrim nënkupton transmetimin e një materiali të shkruar nga një gjuhë që shërben si pikënisje në një gjuhë tjetër të synuar. Një përkthim cilësor i fiksuar me shkrim kushtëzon domosdoshmërisht jo vetëm të kuptuarit e përmbajtjes, por edhe korrektësinë dhe dhuntinë e të shprehurit gjuhësor.

Etika profesionale, betimi i bërë si përkthyese zyrtare e licencuar dhe detyrimi ligjor për ruajtjen e sekretit profesional përbëjnë bazën e diskrecionit në punën time, kur është fjala për datat dhe të dhënat private. Të jeni të bindur që unë nuk e shpërdoroj mirëbesimin tuaj dhe i përmbahem rreptësisht ruajtjes së sekretit profesional gjatë punës sime.

„Të përkthesh është sikur të luash një pjesë muzikore. Natyrisht që je i detyruar t‘i bindesh partiturës që ke përpara, por secili luan megjithatë sipas mënyrës së tij.“
Niels Brunse

Çfarë ofroj unë në punën time si përkthyese me shkrim?

Kontakt të drejtpërdrejtë, pa ndërlikimet burokratike që sjell një agjenci.
Përkthim me profesionalitet të lartë, duke ruajtur me besnikëri të gjitha hollësitë formatuese të tekstit pikënisës dhe duke ju përmbajtur kontekstit kulturor.
Cilësi të garantuar jo vetëm përmes zotërimit të shqipes si gjuhë nëne dhe gjermanishtes në të njëjtin nivel, por edhe përmes dijes së thellë shkencore për gjuhët shqip dhe gjermanisht.
Përkthim korrekt duke respektuar njëkohësisht stilin, regjistrin gjuhësor dhe terminologjinë në tekstin e synuar.
Respektim të veçorive ndërkulturore dhe sociokulturore gjatë përkthimit.
Lektorat përmes një native speaker në gjermanisht.
Kompetencë të gjerë hulumtuese në fusha nga më të ndryshmet përmes kulturës shkencore universitare dhe pasuniversitare (diplomim universitar në Shqipëri dhe në Gjermani, doktorim në Universitetin Ludwig-Maximilian të Mynihut.
Përvojë pune 25 vjeçare për gjuhët shqip dhe gjermanisht duke përkthyer tekste dhe dokumente nga më të ndryshmet.
Spektër të gjerë dijesh aktuale lidhur me leksikun në përgjithësi dhe atë terminologjik në veçanti, përmes një kualifikimi dhe angazhimi shkencor të vijueshëm në Gjermani, Shqipëri dhe Kosovë.
Formatim të njëjtë me origjinalin gjatë përkthimit, duke lehtësuar kësisoj ndjeshëm marrëdhënien me entet dhe organet zyrtare.
Respektim rigoroz të afatit, duke jua dërguar përkthimin sipas dëshirës me postë ose në formë elektronike.
Diskrecion të plotë, në raste konkrete edhe përmes një marrëveshjeje me shkrim për ruajtjen e sekretit profesional.

Çfarë përkthej unë?

Përkthime të licencuara

Certifikata të të gjitha llojeve (certifikata lindjeje, martese etj.)
Dëftesa shkolllore, diploma shkollore dhe universitare
Dokumentacioni aplikues për lirimin dhe marrjen e nënshtetësisë
Leje vozitjeje për automjet
Dëshmi penaliteti
Dokumente identiteti
Vërtetime zyrtare të çdo lloji

Tekste juridike

Vendime gjykate
Tekste ligjore
Certifikata
Dokumentacion trashëgimie
Dokumentacion birësimi
Dokumentacion kontratash (kontrata blerjeje, furnizimi apo martese)
Kushtet e përgjithshme të kontratës
Prokura
Dokumentacion dogane për import dhe eksport

Përkthime në fushën e mjekësisë

Relacione mjekësore
Ekspertiza mjekësore
Informacione për pacientë
Letrat shoqëruese të medikamenteve
Evidenca mjekësore
Shpjegime për produkte të ndryshme
Dokumentacion për teknologjinë farmaceutike
Dokumentacion për teknikën mjekësore dhe laboratorike
Dokumentacion për menaxhimin shëndetësor dhe përkujdesjen shëndetësore

Përkthime të tjera të specializuara (ndër të tjera në fushën e politikës, financës, ekonomisë, marketingut, turizmit)

Dokumentacion shoqërues për fushat e mësipërme
Udhëzues përdorimi
Manualë teknikë
Broshura, prospekte, fletëpalosje
Katalogë për produkte të ndryshme

Dokumente dhe tekste të llojeve të ndryshme

Dokumentacionin përkatës për konkurrim (CV, letër motivimi apo shoqëruese)
Të gjitha format e korrespondencës private (letra, mail-e)
Parashtrime, ligjërata, botime
Faqe elektronike

Cilësia e përkthimeve të ofruara garantohet edhe nga mundësia e këshillimit me një specialist/e për fushat e përmendura më sipër. Gjatë një bisede paraprake lidhur me kërkesën tuaj ju mund të bindeni për cilësinë e punës që ju ofroj. Në rast se keni pyetje të tjera ose dëshironi një ofertë konkrete, ju lutem më kontaktoni.